Psalms 147

Kumsifu Mungu Mwenye Nguvu Zote

1 ^aMsifuni Bwana.

Tazama jinsi ilivyo vyema kumwimbia Mungu wetu sifa,
jinsi inavyopendeza na kustahili kumsifu yeye!

2 ^b Bwana hujenga Yerusalemu,
huwakusanya Israeli walio uhamishoni.

3 ^cAnawaponya waliovunjika mioyo
na kuvifunga vidonda vyao.

4 ^dHuzihesabu nyota
na huipa kila moja jina lake.

5 ^eBwana wetu ni mkuu na mwenye uwezo mwingi,
ufahamu wake hauna kikomo.

6 ^f Bwana huwahifadhi wanyenyekevu
lakini huwashusha waovu mpaka mavumbini.

7 ^gMwimbieni Bwana kwa shukrani,
mpigieni Mungu wetu kinubi.

8 ^hYeye huzifunika anga kwa mawingu,
huinyeshea ardhi mvua,
na kuzifanya nyasi kuota juu ya vilima.

9 ⁱHuwapa chakula mifugo
na pia makinda ya kunguru yanapolia.

10 ^jFuraha yake haipo katika nguvu za farasi,
wala furaha yake kwenye miguu ya mwanadamu.

11 ^k Bwana hupendezwa na wale wamchao,
wale wanaoweka tumaini lao katika upendo wake usiokoma.

12 ^lMtukuze Bwana, ee Yerusalemu,
msifu Mungu wako, ee Sayuni,

13 ^mkwa maana huimarisha makomeo ya malango yako
na huwabariki watu wako walio ndani yako.

14 ⁿHuwapa amani mipakani mwenu
na kukushibisha kwa ngano safi kabisa.

15 ^oHutuma amri yake duniani,
neno lake hukimbia kasi.

16 ^pAnatandaza theluji kama sufu
na kutawanya umande kama majivu.

17 ^qHuvurumisha mvua yake ya mawe kama changarawe.
Ni nani awezaye kustahimili ukali wa baridi yake?

18 ^rHutuma neno lake na kuviyeyusha,
huvumisha upepo wake, nayo maji hutiririka.

19 ^sAmemfunulia Yakobo neno lake,
sheria zake na maagizo yake kwa Israeli.

20 ^tHajafanya hivyo kwa taifa lingine lolote,
hawazijui sheria zake.

Msifuni Bwana.